DAVAO CITY – Gi-awhag sa Department of Education (DepEd) ang mga ginikanan nga ipa-enroll ang ilang mga anak sa mga pampublikong tulonghaan nga nahimutang duol lamang sa ilang pinuy-anan o trabahoan aron malikayan ang abnormal nga kakulangon sa mga classrooms.
Matud pa kang DepEd Spokesperson Jenielito Atillo nga subay sa ilang nahimong kasinatian, ang mga ginikanan nga magpa-enroll sa ilang anak sa pampublikong tulonghaan nga layo sa ilang pinuy-anan, makamugna sumala pa kini ug kanihit sa lugar, lawak tulonghaan, magtutudlo,libro ug uban pang panginahanglanon sa usa ka tulonghaan.
Gitataw sab sa opisyal nga laoman sumala pa ang pagsala sa enrollment sa pampublikong tulonghaan karung tuiga tungod sa pagsaka usab sa tuition ug uban pang bayrunon sa private schools.
Laoman sab sumala pa nga makasinate ang mga pampublikong tulonghaan ug suliran ilabi na sa mga classrooms atol sa opening sa klase sa Hunyo 5 hangtud na sa pagtapos sa bulan apan pangitaan sumala pa kini ug solusyon sa ahensiya aron nga makatarung sa ilang pagtuon ang mga estudyante.
