DAVAO CITY – Nanawagan karon ang ahensiya sa Department of Health (DOH) 11 ug DENR-11 ngadto sa publiko nga kinahanglan responsable ang mga nahisgutan sa paglabay sa ilang mga basura ilabi na ang gisuot nga mga disposable facemask nga mamahimong tinubdan sa sakit sa higayon nga mapataka ug labay niini.
Gawas nga ma-protektahan ang panglawas sa katawhan, makatabang sab ang maong lakang aron nga mapanalipdan ang kinaiyahan.
Gikanayong nagkataas na karon ang suliran sa paglabay sa mga disposable facemask ilabi na nga obligado na ang tanan nga mosuot niini sanglit nagpabilin ang risgo sa Covid-19.
Tungod niini nanawagan karon si Jayvee Jude Agas, tigpamaba sa DENR-11 ngadto sa katawhan nga dili magpataka ug labay sa mga face mask nga kalakip sa mga hazardous materials ug kinahanglan nga butangan una kini ug chlorine ayha ibutang sa mga garbage bag aron masiguro nga luwas sab ang mga garbage collector nga mokuha niini.
