DAVAO CITY – Nagpahigayon ang Department of Environment and Natural Resources (DENR) Davao Region ug survey sa nagkadaiyang business establishments operating sa forest lands sa Island Garden City of Samal (Igacos).
Matud pa kang Marcia Isip, DENR 11 assistant regional director for Technical Services, nagpahigayon karon ang ilang buhatan ug inventory sa mga beach resorts ug uban pang establisyemento kalakip na ang mga ng restaurants sa Samal.
Tipik lamang kini human ang kamandoan ni Pangulong Rodrigo Duterte nga pasirad-an ang Borcay Island sulod sa unom ka bulan aron nga ipahigayon ang rehabilitasyon.
Kahinumduman nga sa milabay nga semana, una ng gibutyag sa lokal nga panggamhanan sa Samal nga subayon nila ang mga hotels ug resorts sa isla nga dili kompleto ang business permit registration.
Una ng gibutyag ni Samal tourism and investment officer Jennifer Cariaga, nga anaa sa 10 ka mga resorts sa Samal nga nag-operate sa isla ang dili pa kompleto ang pag-proseso sa ilang permits.
Gikanayong gipadad-an na ug warning letters ang mga business establishments ug pabilin kini nga magmagahi sulod sa ikatulo nga higayon, ipatuman na ang pagpasira sa mga gambalay sa mga resorts.
