DAVAO CITY – Gisugdan na karon sa ahensiya sa Department of Environment and Natural Resources-Davao Region (DENR-Davao) ang ilang bird watching ug counting activities sa nagkadaiyang municipalities sa Davao region aron masubay ang populasyon ingon man pagmonitor sa kondisyon sa mga wetlands sa rehiyon.
Sumala sa DENR-Davao pinaagi sa ilang Protected Area Management and Biodiversity Conservation Section (PAMBCS), ang nahisgutan nga aktibidad kabahin sa ilang Annual Asian Waterfowl Census (AWC) for migratory birds.
Gikanayon sab sa ahensiya nga ang AWC gimugna kaniadtong 1987 sa usa ka Indian subcontinent ug mas milapad pa kini ug sakop na ang mga dagkong rehiyon sa asya gikan sa Afghanistan paingon sa kasadpan sa Japan, Southeast Asia ug Australia.
Dinhi sa rehiyon, ang PAMBCS nagamonitor sa walo ka mga sites ang gilangkuban sa Carmen, Panabo ug Busaon sa Davao del Norte; Banaybanay ug San Isidro sa Davao Oriental; Malalag ug Sta. Cruz sa Davao del Sur; ingon man Bucana dinhi sa dakbayan sa Davao.
