DAVAO CITY – Nanawagan karun si Department of Environment and Natural Resources (DENR) Acting Secretary Jim Sampulna nga nanginahanglan kini ug tabang sa mga sakop sa Media aron nga mamonitor ang mining sa nasud.
Sumala pa kang Sampulna mahinungdanon nga imonitor pag-ayo ang mining activities sa nasud arun nga dili mabutang sa alanganin ang sitwasyon sa kinaiyahan.
Kahinumduman nga una ng nagpagula ang DENR Davao Region ug cease and desist order batok sa Riverbend Consolidated Mining Corporation/Arc Nickel Resources, Inc. (ANRI) nga nahimutang sa Banaybanay, Davao Oriental gumikan sa siltation incident sa area kaniadtong Enero 14.
Partikular nga nasinatian ang siltation sa Mapagba ug Pinatatagan Rivers lunggsod sa Banaybanay human ang kapin 12 ka oras nga pag-ulan sa lugar.
Sumala sa DENR-11, nga ang usa sa posibleng hinungdan sa siltation ug discoloration sa duruha ka mga sapa mao ang active mining activity sa nahisgutan kompanya subay sa multi-agency investigation ug assessment nga gipahigayon sa lugar.
