DAVAO CITY – Gipanghimakak sa delegasyon sa Mati City ang katahap ni Davao City Mayor Inday Sara Duterte-Carpio nga gidaginot sa pagka-on ang mga bata ug mga coach hinongdan nga nabiktima sa food poisoning.
Nasayran kang Pitz Apara, Medical Staff sa Mati City Division nga dunay gitamdan nga menu ang ilang Kitchen Section alang sa pamahaw, paniudto ug panihapon sa mga atleta.
Sukwahi kini sa migula nga pasiuna nga imbestigasyon nga ang gipanihapon sa mga atleta sa Mati, mao ra sab ang ilang gipamahaw, paniudto ug gipanihapon sa misunod nga adlaw.
Sa kasamtangan unom pa ka mga atleta sa Mati City ang anaa pa sa hospital, apan gilauman nga makapauli na karong adlawa. mMayorya sa mga nabiktima sa food poisoning nakabalik na sa pagdula sa DAVRAA meet 2018.
