-- ADVERTISEMENT --
Kalma apan bug-at ang pamahayag ni Mamamayang Liberal (ML) Party-list Rep. Leila de Lima kabahin sa pagbasura sa Korte Suprema sa impeachment case batok kang Bise Presidente Sara Duterte.
Matod niya, teknikal ang basehan sa desisyon ug nagpabiling tinuod ang mga alegasyon nga hangtod karon wala pa gitubag.
Bisan pa man iyang girespeto ang desisyon sa Korte Suprema, gibutyag ni De Lima nga importante nga masabtan kini sa katawhan ug dili unta shortcut ang proseso.
Gikuwestyon usab niya ang pagpagawas sa pinal nga desisyon sa Korte Suprema nga wala pa’y pormal nga tubag gikan sa respondent.
