DAVAO CITY – Gi-censure sa House of Representatives si Davao del Norte 1st district Rep Pantaleon Alvarez tungod sa disorderly behavior ug paglapas sa mga lagda sa Kamara, partikular sa Section 141 Paragraph A sa code of conduct.
Girekomenda sa House Committee on Ethics ang 60 ka adlaw nga suspensiyon alang kang Alvarez, apan giamendahan kini sa plenaryo, nga nagpahamtang og mas gaan nga silot.
Sumala ni committee chairperson, Felimon Espares, nagpakita og negatibo sa dignidad, integridad, ug reputasyon sa Kamara ang unparliamentary and inappropriate statements ni Alvarez.
Apan, nangatarungan sila Camiguin Representative Jurdin Jesus Romualdo sa Northern Samar Representative Paul Daza alang sa mas gaan nga silot, nga nangatarungan nga ang 60 ka adlaw nga pagsuspenso dili parehas sa maong salaod.
Giamendar ang taho sa Committee on Ethics aron mapakita ang mas gaan nga penalty nga adunay 186 ka boto pabor sa suspensiyon, 5 batok niini, ug 7 mi-abstain.
Anaa sab si Alvarez atol sa botasyon ug gipatawag pa kini sa pagbotar. Kahinumduman nga una nang gireklamo ni Tagum City Mayor Rey Uy si Alvarez, tungod sa mga libelous remark niini batok sa mga opisyal sa Davao del Norte, ug seditious statements kung asa giawhag sa kanhing Speaker ang militar ug kapulisan nga bakwion ang suporta kay Pang. Ferdinand Marcos Jr.
Samtang gibasura usab sa komite ang reklamo kalabot sa sumala pa kanunay nga pag-absent ni Alvarez sa Kamara.
