DAVAO CITY- Abli matud pa ang Davao City Water District (DCWD) sa mga bag-ong water service provider sa dakbayan sa Davao aron masulbad ang problema partikular na sa dakong bahin sa District 2 labot sa kanunay na lamang nga pagkawala sa ilang water supply.
Kini mismo ang gikanayon ni Jovanna Duhaylungsod, tigpamaba sa Davao City Water District atol sa pakighinabi sa Bombo Radyo Davao.
Matud pa ni Duhaylungsod, ning kasamtangan, dili lamang water district ang gahatud og water services dinhi sa syudad gumikan sa mga rural areas, aduna sab kini kaugalingon nga mga Barangay Water Association samtang sa highly urbanized nga portion sab sa syudad, adunay ubang mga players nga maoy naga-suplay og tubig sa mga subdivison.
Sa pikas bahin, gipanaad karon sa DCWD nga ila pang palapdan ug hatagan og paglambo ang ilang serbisyo ilabi pa nga adunay 242,000 ka mga service connections nga nagdepende sa Davao City Water District alang sa paghatag og sakto ug satisfactory nga serbisyo.
