Gibutyag ni PCapt. Hazel Tuazon, ang Spokesperson sa Davao City Police Office, nga wala pa kini sumala pa nadawatang impormasyon og aduna bay laraw ang PNP Chief nga si Police General Francisco Rommel Marbil nga mubisita sa ngadto sa nagbanguntang kabanay ni PSSG Noel Marundan, aron nga personal kining mahimamat sa Heneral ang pamilya sa naalaot nga kinabuhi sa maong pulis.
Sumala pa ni Tuazon nga nagpaabot na matud pa sila og hinabang usab ngadto sa kabanay ni Marundan.
Gihisgutan sab sa maong opisyal ang pagkamaisug ni Marundan aron nga buhaton matud pa ang iyahang trabaho, nunot paman sa delikadong kahimtang niini.
Kahinumdumang napatay si Marundan niadtong nakalabayng semana sa usa ka misukol nga suspetsado samtang ginasilbi ang arrest warrant niini.
Daghan sab ang nagpangutana og muadto ba personal ang PNP Chief aron nga himamaton ang mga nagbangutang kabanay niini, gumikan una na usab matud pa kining gibisita ni kanhi Pangulong Rodrigo Duterte ang maong gihaya na nga patayng lawas sa maong nakabsan nga pulis, aron nga ipaabot ang iyahang pahasubo ngadto sa mga nagbangutang pamilya.
