DAVAO CITY – Gumikan kay gitugtan na ang pagpamasada sa mga pampasaherong dyip karong panahon sa General Community Quarantine (GCQ), nagpahimangno ang Davao City Police Office (DCPO)-Traffic group sa mga driver nga motamud sa mga health protocol.
Una ng gibutyag sa DCPO nga kinahanglan butangan gayud ug plastic o karton nga barriers ang tanan nga mga mobiyahe nga jeep kini aron masiguro sumala nga pabilin nga ma-obserba ang social distancing panahon sa ilang biyahe.
Una ng gitambag sa kapulisan nga kinahanglan katunga lamang sa kapasisad sa jeep ang angayan nga pasakyon ug kinahanglan dili magtapad o mag-atubang ang mga commuters.
Angayan sab sumala pa nga magsuot ug facemask ingon man Food and Medicine (FM) Pass kung mopalit kini ug pagkaon o gamit.
Padayon sab sumala pa ang ipatuman nga number coding sa FM pass diin tan-awon kini sa mga checkpoint aron masiguro nga ang last digit niini ang nahasubay sa adlaw nga gitugot kanila nga mogawas.
