DAVAO CITY – Bisan nga walay direktang bahad nga nadawat karon ang dakbayan kalabot sa isyu sa seguridad, dili pa gihapon mokumpiyansa niini ang Davao City Police Office (DCPO) hinungdan nga mas doble ang ilang ipatuman karon nga seguridad ilabi na nga nagsingabot na ang kasaulogan sa Kadayawan sa bulan sa Agosto.
Matud pa kang Police Senior Inspector Ma. Teresita Gaspan, tigpamaba sa Davao City Police Office (DCPO) nga dili gayud kalikayan nga adunay mga grupo nga molusad ug kagubot hinungdan nga kanunay ang ilang monitoring aron nga masiguro ang kaluwasan sa publiko.
Gani, hugtanon nga seguridad sab ang gihimo karon sa mga gipahimutang nga checkpoint partikular na kadtong buot nga mosulod sa dakbayan.
Samtang gitambagan sab ni Mayor Inday Sara Duterte ang mga otoridad nga ipabilin ang koordinasyon sa matag usa aron masiguro nga dili makalusot ang mga adunay plano nga molusad ug kagubot.
