DAVAO CITY – Nangayo ug pasaylo ang Davao City Police office (DCPO) sa gihimo sa duha ka pulis nga nangulata sa tulo ka mga menor de-edad.
Naglaum na lamang ang DCPO nga dili kini maka apekto sa trust and confidence sa publiko kanila ug gipanigurado nga dili na masubli pa ang susamang insidente.
Kahinumdoman nga gikulata nila ni PO1 Jovanie Natividad ug PO1 Jesre Masinading ang tulo ka menor nga ilang nadakpan human nga nalambigit sa pagpangawat ug riot sa dakbayan.
Sumala pa ni DCPO spokesperson Police Senior Inspector Maria Teresita Gaspan nga naguol siya sa panghitabo sa gihimo sa mga bag-ong pulis kansa maoy mi-rescue sa mga menor sa milabay nga semana human nalambigit sa riot.
Dugang pa ni Gaspan nga wala nila gina-tolerate ang bisan unsang pangabuso, dili maayo nga mga batasan sa ilang mga gingsakpan. Sa karon, gipailalom na sa restrictive custody ng DCPO ang duha ka pulis isip kabahin sa procedure samtang nagpadayon pa ang imbestigasyon sa panghitabo.
Dili sumala pa intensyon sa police officers nga imaltrato ang mga biktima kung dili usa lamang sumala pa ka disiplina ang ilang gihimo tungod wala sila girespeto sa mga biktima ug gibugalbugalan pa atubangan sa mga Brgy. Tanods.
Bisan paman, unsa man ang ilang intensyon, gisubli sa DCPO ang ilang prinsipyo isip usa ka police officers nga kinahanglang ampingan katungod ug dignidad sa publiko.
Nanawagan usab ug pagsabot si Gaspan sa Dabaweño nga unta open minded ang publiko sa nahitabo nga insidente ug dili kini nagpasabot nga dautan na ang tanang police officials nga mihimo ug sakot ug dunay dedikasyon sa ilang trabaho.
Samtang, gipasakahan na ug kasong administratibo ug kriminal ang duha ka mga pulis.
