-- ADVERTISEMENT --
Gipahigayon kagahapong adlawa ang identification seminar sa Davao City Police Office (DCPO) isip pagpangandam sa umalabot nga dagkong aktibidad sa syudad.
Gipangunahan ni PCol. Hansel Marantan ang maong aktibidad kung diin gihatagan niini og importansya ang abilidad nga makaila ang tanang police personnel sa nakalain-laing eksplosibo, partikular na sa mga border controls ug checkpoints ning dakbayan.
Gidasig sa opisyal ang katawhan sa pagsuporta sa culture of security uban ang paspas nga pagtaho kanila sa mga ginakadudahang aksyon ug butang.
Sumala ni Marantan, dili mahimong posible ang paspas nga pagresolba sa mga insidente kung wala ang tabang ug kooperasyon gikan sa katawhan.
