Nanawagan ang Davao City Police Office (DCPO) sa mga miyembro sa Kingdom of Jesus Christ (KOJC) nga dili magmagahi ug pasagdan na lamang ang mga awtoridad nga malinawong pangitaon ang ilahang pangulo nga si Apollo Quiboloy.
Gipahayag ni Police Regional Office 11 (PRO 11) public information office chief Police Major Catherine dela Rey, naglaum sila nga subling mohatod ug warrant of arrest batok kang Quiboloy nga walay pagsupak gikan sa mga supporters niini nga nahitabo usab sa Natiional Bureau of Investigation (NBI).
Matod pa sa opisyal nga gihimo lamang nila ang ilahang trabaho gumikan kay mao kini ang kamando-an sa korte.
Kung kahinumduman nga nagkagrabe ang tensyon tali sa KOJC followers ug kapulisan niadtong Hunyo 10 sa dihang nag-serve ang PNP Criminal Investigation and Detection Group (CIG) ug arrest warrant batok sa nahisgutang religious leader.
Dugang gipahayag sa PRO eleven information officer ngadto sa mga supporters ug followers nga wala silay laing tumong apan ang pag-serve sa warrant of arrest.
Unang gipahayag ni PRO 11 chief Police Brigadier Nicolas Torre III nga nagpabilin si Quiboloy sa sulod sa KOJC compound sa dakbayan sa Davao taliwala sa arrest warrant batok sa nahisgutan.
