Nagpahigayon og Command Conference si Davao City Police Office (DCPO) City Director PCOL Peter Bauzon Madria uban sa Command Group, Staff Officers, Operational Unit Heads, ug Station Commanders aron palig-onon pa ang seguridad sa dakbayan.
Gipasidunggan ni PCOL Madria ang kapulisan tungod sa pagkunhod sa crime rate ug sa minilyon ka pisong kantidad sa iligal nga droga nga nasakmit sa ilang mga operasyon.Aron mapadayon kini nga mga kalampusan, gimando niya ang hugot nga pagpatuman sa “90:10” deployment framework, diin 90 porsyento sa mga kapulisan kinahanglan naa sa aktibong patrol ug operasyon sa kadalanan, samtang 10 porsyento lamang ang magpabilin sa opisina.
Gimando usab ni PCOL Madria nga ang mga Station Commanders kinahanglan personal nga mangulo ug mosuperbisa sa mga operasyon, checkpoint, ug patrol, samtang ipadayon ang agresibong kampanya batok sa iligal nga droga, loose firearms, ug mga wanted person.Gipasidaan usab sa DCPO City Director nga ang pagpabilin sa posisyon sa matag commander magdepende sa ilang performance, hands-on leadership, ug sa pagmintinar sa ubos nga crime rate sa ilang nasakupan.
