DAVAO CITY – Hugtanong mipahimangno ang Davao City Police Office (DCPO) sa mga nagapa-angkas sa ilang motorsiklo nga nagsugod na ang ilang pagpanakop ilabi na kadtong mga walay barrier o babag.
Sumala pa kang DCPO spokesperson Pol. Capt. Rose Aguilar, taas na nga panahon ang ilang gihatag sa mga motorista nga magbutang ug babag sa ilang mga motorsiklo samtang angkas ang ilang mga asawa o ka-live in.
Gitataw ni Aguilar nga sukad nila gisugdan ang hugtanon nga pagpatuman sa balaod kaniadtong Agosto 1, anaa sa 16 ang ilang mga nadakpan.
Gikanayong ang mga sakop sa Traffic Enforcement Unit ang mangunay sa pagsikop sa mga malapason sa maong polisiya.
Una na sab nga gibutyag sa Department of the Interior and Local Government (DILG) 11 nga bisan adunay mga technicalities ang pagpahimutang ug barriers sa mga motorsiklo, kinahanglan pa gihapon kini nga ipatuman.
Kahinumduman nga una ng nakadawat ug mga pagsaway ang maong kamandoan ilabi na nga nagpuyo lamang sa usa ka pinuy-anan ang mga magti-ayon butang nga dili na sumala pa kinahaglan nga butangan pa ug babag ang motorsiklo.
