Nagpagawas og pagpaklaro ang Davao City Police Office kabahin sa nahitabong kadnapping sumala pa sa Brgy. Mintal.
Subay sa report sa kapulisan, adunay tulo ka mga menor de edad nga babaye sa Purok 4, Barangay Mintal, Tugbok District, ning syudad sa Davao.
Sa gipaguwang klaripikasyon sa DCPO sumala pa nga pagkadawat dayon sa report, gi-activate sa Davao City Police Office ang ilang response protocols ug gihimo ang verification, coordination, ug search operations.
Human sa maong imbistigasyon gikanayon sa DCPO nga wala gayu’y insidente sa kidnapping.
Sumala pa nga ang mga menor de edad gidala lamang sa Christmas caroling sa mga tawo nga dili nila kaila, nga nakahatod og kabalaka sa dihang wala sila nakabalik sa balay sa gipaabot nga oras.
Gidugang pa sa kapulisan nga wala kini naangol, ug wala’y kriminal nga buhat nga nahimo batok ngadto sa mga bata.
Samtang gikalipay nga gipahibalo sa kapulisan nga ang tulo (3) ka menor de edad ang nakahiusa na usab sa ilang tagsa-tagsa ka pamilya.
Nasayran nga ang mga batan-on ang nagpangidaron og 9 years old , 11 years old ug 13 years old puros mga babae.Gumikan sa maong panghitabo, gipasidunggan ni PCOL Muarip ang mga concerned citizens sa ilang dali nga pag-report sa insidente, nga nakatabang sa police units sa paglihok dayon ug pagsiguro sa kaluwasan sa mga bata.
Apan, mihangyo kini sa publiko nga magpakabana sa responsableng paggamit sa social media.
Ang pag-post o pag-share og dili pa verified nga mga impormasyon nga walay klarong validation gikan sa mga otoridad makahatag og dili kinahanglan nga kahadlok, panic, ug kalibog sa komunidad.
Tugoti ang mga kapulisan sa pagpatuman sa husto nga imbestigasyon una pa maghimo og konklusyon.
Tambag sa mga otoridad nga aron masiguro ang kaluwasan sa mga kabataan, ilabi na sa panahon sa Pasko, gihangyo ang mga ginikanan o guardian nga bantayan gayud ang kalihokan ug lugar nga adtoan sa ilang mga anak sa tanang panahon.
Gihangyo usab niini ang mga barangay officials nga magpabiling alerto ug proactive sa pagmonitor sa kahimtang ug kaluwasan sa ilang mga constituents.
Samtang nag-awhag usab kini sa komunidad nga magtinabangay sa kapulisan pinaagi sa dali nga pag-report sa bisan unsang kahimtang nga kadudahan sa labing duol nga police station.
