DAVAO CITY- Napahinumdom karon ang Davao City Police Office alang sa pagpangandam sa katawhan atol sa pagbaha hilabi pa sa mga nasinatiang sunod-sunod nga pag-ulan.
Sa post sa maong buhatan, gipahinumduman niini ang publiko sa kanunayng pagpaminaw sa mga balita nga ginapadayag sa mga radyo, tv, o di kaha social media kalabot sa sitwasyon sa panahon.
Gitagaan usab niini og gimbug-aton ang kamahinungdanon sa Emergency Go Bag kung asa nakabutang ang mga importanteng gamit nga gikinahanglan atol sa maong sitwasyon.
Kinahanglan usab nga palungon ang kuryente ug pagtanggal sa mga gimpang-saksak nga appliances ug pagsunod sa mga ipaguwang impormasyon sa mga hingtngdang ahensya.
Samtang aron usab nga dili makakuha og sakit, gipahinumduman sa mga otoridad ang publiko sa paglikay og dula sa tubig-baha hilabi na sa pagbaktas niini kung dili kinahanglan.
Laraw karon sa buhatan nga malikayan ang mga dili maayong insidente nga natigayon sa mga nakalabay nga adlaw rason nga nihangyo kini og kooperasyon gikan sa katawhan.
