Nahisayod na ang Davao City Police Office (DCPO) labot sa mikatag nga video nga gipost sa usa ka facebook page nga Davao Idiot Drivers niadtong nakalabayng adlaw, diin makita niini ang usa ka police mobile unit nga iligal nga mi U-turn sa maong kalsada.
Aduna na sumala pay ginalihok nga lakang karun ang buhatan aron nga maimbestigahan ang maong insidente.
Sa higayon sumala pa nga mapamatud-an ang mga nalambigit sa maong kasupakan, aduna gayud matud pa kini tulubagon, lakip na ang sanctions, ilawom sa sumbanan sa DCPO.
Gipaklaro sab sa buhatan, nga kinahanglan ang tanang mga police officers maoy mamahimong manguna nga mutamod ngadto sa balaod trapiko, gumikan sila matud pa ang ginabuhat sab nga ehemplo ngadto sa mga sibilyan.
Giawhag sab karun sa DCPO ang tanang mga police personnel nga magpabiling propesyunal sa tanang higayon, aron malikayan kining masawayan sa katawhan ug madaot ang imahe sa kapulisan.
