DAVAO CITY – Bisan nga gi-anunsiyo na ni Pangulong Rodrigo Duterte nga mamahimo ng mobalik sa mga sakop sa kapulisan sa pagpahigayon ug Oplan Tokhang, wala pa karon nagpagula ug direktiba ang Davao City Police Office (DCPO) ngadto sa ilang mga sakop nga ipadayon ang operasyon batok illegal drugs.
Hinuon gikanayon ni Senior Inspector Catherine dela Rey, ang tigpamaba sa DCPO nga ila gilayon kini nga ibalik sa umaabot nga mga adlaw apan sa kasamtangan kinahanglan nila nga pili-on pag-ayo kung si kinsa nga mga PNP personnel ang ilakip sa mga ipahigayon nga buy bust operation.
Samtang bisan nga gideklara na ang 31 ka mga Barangay ning siyudad nga drug free, padayon sumala pa kini nga imonitor sa kapulisan.
Maga hatagan sumala pa nila karon ug pagtagad kadtong mga Barangay nga padayon ang paghitak sa ginadili nga droga.
