DAVAO CITY – Gibutyag sa Davao City Police Office (DCPO) nga magpahigayon pa gihapon sila ug oplan tokhang sa mga indibidwal nga nalambigit sa ginadli nga droga.
Kahinumduman nga sukad nga mibalik ang kapulisan ning siyudad sa pagpahigayon ug drug buy bust operation kaniadtong milabay nga Sabado, anaa na sa pito ang ilang nangadakpan.
Pagpakita sumala pa kini nga aduna pa gihapoy wala natarog sa hugot nga kampanya sa otoridad batok illegal drugs bisan nga temporaryong gidid-an ang han-ay sa PNP sa paglusad sa maong operasyon human nga giduhig sa pagpatay sa usa ka Korean National.
Gitataw sab ni Senior inspector Catherine dela Rey ang tigpamaba sa DCPO nga mihimo na karon ug team ang matag station commander ning siyudad nga gilangkuban sa mga kasaligan nga mga personahe aron maoy magpatuman sa buy bust operation ingon man Oplan Tok-hang.
Gikanayong ang mga station commander mismo ang manguna sa pagtutok sa mga panimalay sa mga indibidwal nga gitudlong nalambigit sa ginadili nga droga.
