Personal nga mitunol ang Davao City Police Office, og tabang pinansyal ubos sa panguna ni PCOL Mannan C. Muarip, ngadto kang PSSg Dilangalen, nga kasamtangang na-admit sa Davao Medical School Foundation Hospital ug anaa sa high-risk medical care. Ang kapulisan mitunol og kantidad nga Php 111,450.00 ngadto sa benepisyaryo.
Kini nga tabang pinansyal gikan sa manggihatagon nga mga personahe sa DCPO ubos sa humanitarian initiative nga OPLAN MALASAKIT. Ang programa gituyo aron maghatag og dali nga suporta sa mga DCPO personnel ug ilahang pamilya nga nag-atubang og medical emergencies ug ubang kritikal nga sitwasyon.
Tumong niini nga tabang ang pagbayad sa hospital bills ug uban pang medical expenses sa panahon sa confinement. Pinaagi sa lig-on nga liderato ni PCOL Muarip, napakita pag-usab sa DCPO ang walay puas nga dedikasyon sa kaayohan sa iyang mga personnel nga nagpakita nga gawas sa ilang mga katungdanan sa law enforcement, ang organisasyon nagbarug ingon usa ka pamilya nga tinuod nga nag-amuma sa kaugalingon.
Ang implementasyon sa OPLAN MALASAKIT nagpadayag sa kultura sa compassion, solidarity, ug kolektibong responsibilidad sulod sa DCPO, nga nagsiguro nga walay miyembro nga mapapas sa panahon sa kalisod.
Dugang pa, ang Regional Medical and Dental Unit 11, ubos sa pangulo ni PLTCOL Elinor L. Bautista, naghatag usab og pinansyal nga tabang ug padayon nga nagtabang sa personnel ug sa iyang pamilya pinaagi sa pagmonitor sa kahimtang sa pasyente ug paghatag sa gikinahanglan nga koordinasyon ug medical support.
Ang ilang pag-apil nagpalig-on sa kolaboratibong paningkamot sa organisasyon aron masiguro ang holistic nga pag-atiman sa iyang mga personnel.
Kini nga makahuluganon nga buhat nagpasabot sa tinuod nga espiritu sa public service sulod sa Philippine National Police diin ang compassion ug pagkahiusa nag-una dili lang sa pagserbisyo sa komunidad apan usab sa pag-atiman sa kaugalingong miyembro.
Pinaagi sa OPLAN MALASAKIT, nagpabilin ang DCPO nga lig-on sa misyon sa paghatag og husto nga tabang ug tinuod nga pag-amuma sa tanang personnel nga nag-atubang og life-threatening ug hagit nga sitwasyon.
