DAVAO CITY – Gibutyag ni DCPO Director Alberto Lupaz nga wala sumala pay nadawat karun nga bisan unsa man nga bahad ang dakbayan human ang migula nga report gikan sa Philippine National Police (PNP) nga aduna matud pay “attack plot” dinhi sa nasud.
Kahinumduman nga una ng gibutyag ni PNP director for intelligence Major General Michael Dubria nga posibleng himuon sumala pa ang nahisgutan nga pagpangatake sa Hamas, usa ka Middle East-based group batok sa Israelis ug Arabs nga anaa sa nasud.
Gikanayon nadawat sumala pa sa kapulisan nag impormasyon gikan sa local contact sa Hamas. Hinuon gikanayon ni Lupaz nga dili pa gihapon mukumpiyansa bisan nga wala pay kumpirmasyon ug kinahanglan nga mangandam pa gihapon niini ang kapulisan.
Nasayran nga ang siyudad sa kasamtangan ang anaa sa Threat Level 3, hinungdan nga kinahanglan pabilin ang hugtanon nga intelligence monitoring.
Gani wala sab sumala pa silay nadawat nga impormasyon alang sa mga posibleng bahad sa nagsingabot nga May 2022 elections.
Sa kasamtangan, anaa na sa 20 ka mga lugar sa Davao region ang gipailalom sa election watchlist areas gumikan sa posibilidad nga adunay moulbo nga kagubot tali sa mga politiko ingon man adunay presensiya sa mga armadong grupo.
Hinuon dili kalakip niini ang dakbayan sa Davao kini tungod pipila ka tuig na matud pa nga walay natalang kagubot sa siyudad panahon nga adunay pinili-ay.
