DAVAO CITY – Mipahimangno ang Davao City Police Office (DCPO) sa publiko batok sa mga indibidwal nga namaligya ug food and medicine (FM) passes sanglit dili kini ginabaligya inay ma-claim lamang sa mga barangay leaders.
Sumala pa kang DCPO spokesperson Captain Rose Aguilar nga nakadawat sila ug report nga adunay pipila ka mga indibidwal ang nagpahimulos dungan sa pagbalik sa pagpatuman sa FM pass sa siyudad diin adunay illegal nga nagahimo ug namaligya niini ngadto sa mga nawad-an o nadaut ang ilang FM pass.
Hinuon gibutyag ni Aguilar nga wala pa silay nadawat nga bisan unsa man nga reklamo apan wala nila gipadaplin ang susama ng sitwasyon.
Nanawagan na lamang kini sa publiko nga i-report gilayon sa otoridad ang susama nga mga aktibidad.
Mipahimangno si Aguilar nga moduso sila ug formal nga reklamo sa higayon nga mapamatud-an nga namaligya ug FM passes.
Ang mga violators, mamahimo sumala pa nga mabilanggo sulod sa duruha ngadto na sa unom ka tuig ug multa nga dili moubos ug dili mosobra sa P5,000.
