DAVAO CITY – Gipasalig karon sa Davao City Police Office (DCPO) nga hugtanon ang ilang gipatuman nga mga lakang ug pagmonitor sa sakop sa kapulisan nga nalambigit sa E-sabong kini dungan na sab sa naunang pahayag ni Pangulong Rodrigo Duterte nga ipa-undang na ang susama nga aktibidad.
Una ng gibutyag ni DCPO Spokesperson Maj. Maria Teresita Gaspan nga kung wala sumala pay permit ang sabong makonsidera na nga illegal ang operasyon nini ug manubag na ang mga nalambigit sa kasong kasong illegal gambling.
Kahinumduman nga wala temporaryo sab nga gipa-undang ang pag-isyu ug permit sa online sabong dinhi sa siyudad human nga una ng gi-veto ni Mayor Sara Duterte ang sugyot nga ordinansa nga himuon kining legal dinhi sa dakbayan.
Kahinumduman nga nahimong kontrobersiyal ang sabong sa siyudad human nga nanukad sa Mati Gallera ang pagtakod-takod sa Covid-19 sa mga sabungero kaniadtong Marso 2020.
