DAVAO CITY – Gibarugan ni Pol. Col. Kirby John Kraft, director sa Davao City Police Office (DCPO) nga hugtanon ang ilang ipatuman nga pagbantay sa Barangay 23-C ning dakbayan kini aron masiguro nga dili makagawas ang mga residente sa lugar ug malikayan ang pagkatag sa covid-19.
Kahinumduman nga una ng gipailalom ang lugar sa hard lockdown gumikan sa taas nga kaso sa mga nagpositibo sa virus diin anaa na matud pa sa 88 ang natakdan samtang duruha ang namatay.
Sumala pa kang Kraft wala silay tugtan nga makasulod o makagawas sa lugar ug kung maayo sumala pa ang dagan sa 14 day quarantine posibleng tapuson gilayon ang lockdown apan kung walay kabag-ohan hayan nga madugangagan na sab kini ug laing 14 pa ka adlaw.
Samtang hugot sab nga gibantayan karon sa Philippine Coast Guard (PCG) ang daplin sa baybayon sa nahisgutan nga barangay aron nga dili makalusot ang mga residente sa maong dapit.
Walay tugtan sab nga sa lugar nga makapangisda.
