DAVAO CITY – Gipasalig sa Davao City Police Office (DCPO) nga padayon nila nga bantayan ang nagpadayon nga pagpagbungkag sa mga panimalay sa Barangay 26-C Salmonan ning dakbayan sa Davao.
Matud pa kang Police Senior Supt. Alexander Tagum ang director sa DCPO, magpabilin ang ilang mga personahe sa lugar hangtud nga dili makoralan ug matapos ang demolisyon human nga nakadawat sila ug impormasyon nga plano sa pipila ka mga residente nga momugna ug kagubot.
Samtang gibutyag sab ni col Nolasco Mempin, commander sa Task Force Davao (TFD), nga nagpabilin ang ilang duruha ka squad sa Barangay Salmonan aron masigurong mapugngan ang bisan unsa man nga kagubot.
Gawas sa ilang mga personahe, gipahimutang sab nila ang ilang armored vehicle sa nahisgutan nga area.
