DAVAO CITY – Paningkamutan sa Davao City Police Office (DCPO) nga makab-ot ang target niini sa One Time Bigtime Anti-Illegal Gambling Operation.
Nasayran nga ang DCPO dunay target nga dese otso ka mga malapason sa RA 9387 Anti-illegal gambling law, lima ka mga suspek sa kawat, ug dese sais ka mga pagserved ug warrant of arrest.
Kini ang nag-una nga hinongdan nga mimugna ug Anti-illegal Gambling Task Force ang Police Regional Office (PRO) -11.
Pinasikad sa pinakaulahi nga record sa DCPO sa Pebrero 13 hangtud karong adlawa Pebrero 17, mikabat na ngadto sa napulo ang ilang mga nangadakpan sa paglapas sa Anti-illegal gambling law, baynte tres ang mga nangadakpan pinaagi sa warrant of warrant of arrest, ug tulo ka mga suspek ang mga nangadakpan.
Sumala pa kang Police Senior Inspector Catherine dela Rey nga makab-ot ang target karong adlawa nga mao ang deadline sa anti-illegal gambling task force.
Dugang pa ni dela Rey nga padayon gihapon ang ilang operasyon batok illegal nga sugal gumikan kay kulang pa sila ug walo.
Bisan wala pa naumol ang Anti-illegal Gambling Task Force, duna na’y ubay-ubay nga mga accomplishment ang DCPO batok illegal gambling, diin sa milabay nga tuig, nueventa ka mga individual na ang ilang nangadakpan nga nakalapas sa nahisgutan nga balaod.
