Gisiguro karun sa buhatan sa Davao City Police, ang ilahang hugot nga ginabuhat nga monitoring alang sa mga election paraphernalia dinhi sa dakbayan.
Mipaguwa sab matud pa og kamanduan si DCPO City Director PCol. Hansel Marantan ngadto sa tanang mga station Commanders dinhi sa syudad, nga kinhanaglan gayud nga siguradohon sa mga nahisgutan nga adunay tukmang koordinasyon sa buhatan sa COMELEC ang mga paraphernalia sa eleksyon.
Samtang, gibutyag sab ni PCapt. Hazel Tuazon, ang tigpamaba sa DCPO nga kinahanglang sumala pang hingpit nga mabantayan sa mga nagkadaiyang station commanders ang mga kagamitan sa eleksyon, ilawom karun sa ilahang mga area.
Gihatagan sab og kamanduan ang mga ginsakpan niini nga kinahanglang adunay escort kung dalahon na kini ngadto sa mga polling centers aron nga mahimong luwas ang mga kagamitan, hilabi na sa mga hilit nga dapit sama sa Marilog ug Paquibato.
