DAVAO CITY – Gi-awhag na karon sa lokal nga kagamhanan ang mga residente sa dakbayan ingon man kadtong mga nanimuyo sa kasikbit nga lugar nga mosulod sa siyudad nga magpa-register na sa QR code aron nga dili na mahasol sa umaabot nga panahon ilabi na nga sugdan na ang pagpatuman niini sa Nobyembre 7, 2020.
Kahinumduman nga simple lamang ang pag-fill up sa QR diin bisitahon lamang ang official facebook page sa lokal nga kagamhanan ug pinduton ang link diin mamahimo nga magparehistro. Online ang tanan nga proseso ug gikinahanglan lamang ug usa ka valid ID.
Samtang gibutyag ni Pol. Col. Kirby John Kraft, director sa Davao City Police Office (DCPO) nga kadtong mga walay smartphone o valid ID, mamahimong moadto lamang sa pinakaduol nga police station aron ma-assist kini sa pagkuha ug QR code.
