DAVAO CITY – Aduna nay kaugalingon nga police mascot ang Davao City Police Office (DCPO) nga sama sa Police Mascot sa Kampo Crame nga si POI Bato.
Ang sa DCPO gitawag nila nga si PO1 Asero nga pormal nila nga gipaila ug gipakita sa publiko atol sa Araw ng Davao Parade.
Sumala pa kang Police Superintendent Hamlit Lerios sa DCPO nga ang mascot nga si Asero ang maka-uban sa mga police sa pagsuroy sa mga tulongha-an alang sa Oplan Sagop Kabataan, diin ilang itudlo ang good touch ug bad touch.
Sumala sa kapulisan nga dili mapul-an ang kabataan gumikan kay malingan sila sa police mascot.
Si PO1 Asero present sab sa mga kalihukan sa Davao City Police Office.
Nasayran nga ang police mascot nga si PO1 Asero didto pa sa kaulohan gi-order sa kantidad nga 57 mil ka pesos .
