DAVAO CITY – Gitino ni Aisa Yusop, manager sa Davao City Overland Transport Terminal (DCOTT) nga wala sila karon nakadawat ug notice gikan sa asosasyon sa mga bus company kung magpadayon na sila sa ilang biyahe karong panahon sa General Community quarantine (GCQ).
Gihimo ni Yusop ang pahayag human nga daghanan na nangutana kung aduna nay biyahe ang DCOTT.
Gitataw sa opisyal nga ang maong asosasyon maoy makiglambigit sa Land Transportation Franchising Regulatory Board (LTFRB) 11 kung kanus-a nila sugdan pagbalik ang ilang operasyon.
Sa kasamtangan, wa pa sab sila nakadawatug kamandoan gikan sa ilang Department heads.
Gihangyo lamang karon ni Yusop ang publiko nga gamay’ng pai-lub lamang sanglit ang gihimo sumala pa nga guidelines karon sa lokal nga kagamhanan ang alang lamang sa kaayohan sa tanan.
Mas maayo sumala pa nga maghulat lamang una ug “Go signal” kung kanus-a subling tugutan nga makabalik sa ilang operasyon ang DCOTT.
