DAVAO CITY – Gipadaplin una sa pamunoan sa Davao City Overland Transport Terminal (DCOTT) sa Ecoland ning dakbayan ang hangyo sa 300 ka mga peddlers nga tugtan sila nga subling mamaligya sulod sa bus terminal kini luyo sa hugtanon nga pagpatuman sa physical distancing aron nga malikayan ang pagkatag sa coronavirus disease (COVID-19).
Gipasabot sa Terminal nga dili pa nila mamahimong tugtan ang mga nahisgutan sanglit dili mamonitor ang sa ilang siyam ka mga security guards ang minimum public health standards ning panahon nga nagpadayon pa ang nasinatian nga pandemiya.
Sumala pa kang DCOTT manager Aisa Usop nga adunay mga peddlers sa tulo ka mga vendor associations ang wala gitugtan nga mamaligya sukad nga subling nangabli ang bus terminal dihang taas ang kaso sa Covid-19 sa siyudad kaniadtong 2020.
Gikanayong sagad sa mga peddlers sulod sa terminal ang gilangkuban sa durian candies, bottled waters, snacks, ug eyewear.
Gikanayong adunay siyam lamang ka mga security personnel ang terminal aron masiguro nga mapatuman ang Mininum Public Health Standard.
Sakop sab sa trabaho sa mga nahisgutan ang pagbantay sa entry ug exit sa buses.
Gani nakadawa sumala pa siya ug reklamo gikan sa mga drivers ug conductors nga daghanan sumala pa sa mga peddlers ang mupugos pagsaka sa bus luyo sa pagdili sa management gumikan sa security concerns.
Aduna sab sumala pay kaso sa pagpanguot nga gikalambigitan sa mga peddlers diin nanguha sab kini ug cellphone sa pasahero.
Apan sa kasamtangan wala na ang susama nga mga insidente sukad nga gidid-an na ang mga nahisgutan nga makasulod sa terminal. Nasayran nga adunay 70 ngadto na sa 80 ka mga stall owners ang nag-operate sulod sa terminal.
