Gimando ni Department of Budget and Management (DBM) Secretary Amenah Pangandaman ang daling pagpagawas og guidelines kon sumbanan alang sa pagsaka sa sweldo sa mga trabahante sa gobyerno.
Kini ang human nga pirmahan ni Pangulong Ferdinand Marcos Jr. ang Executive Order 64 nga nagatugot sa pagsaka sa sweldo ug medical allowance alang sa government employees.
Sumala sa kalihim, gibana-banaang anaa sa P36 billion ang gikan sa Miscellaneous Personnel Benefit Fund (MPBF) ubos sa 2024 General Appropriations Act ang gialokar alang sa pagpatuman sa unang tranche sa salary increase.
Dugang pa sa kalihim nga naglahi ang DBM og P70 billion aron malakip ang dugang cost requirements alang sa una ug ikaduha nga tranches.
Kong diin ang unang tranche sa salary increase ang ihatag karong tuiga samtang ang mga mosunod nga trance ang sa Enero 1, 2025,2026, 2027.
Samtang, makadawat usab ang mga trabahante sa gobyerno og P7,000 nga kantidad sa medical allowance matag tuig nga sugdan sa mosunod nga tuig.
