Giaprobahan na sa Department of Budget and Management (DBM) ang P1 bilyon nga pundo alang sa pagtukod sa Child Development Centers (CDCs) sa mga low-income local government units (LGUs) sa tibuok nasod. Diin ang maong lakang subay sa mando ni Presidente Ferdinand Marcos Jr. nga mamuhunan sa edukasyon ug ‘human capital development’, diin kini usab ang nangulo sa seremonyas sa pagpirma sa joint memorandum circular sa Malacañang.
Matod sa Presidente, ang CDCs maghatag og lig-on nga pundasyon sa kabataan nga maoy makapalig-on sa pundasyon sa nasud. Makabenepisyo niini ang 328 ka Barangay, apil ang 89 sa Luzon, 106 sa Visayas, ug 133 sa Mindanao, ingon man ang Bangsamoro Autonomous Region in Muslim Mindanao (BARMM).
Samtang ang CDC magsilbi usab nga sentro sa mga programa sa edukasyon, suporta sa pamilya, ug mga programa sa sayo nga pagkat-on alang sa mga bata, nga importante sa pag-andam kanila sa dili pa mosulod sa eskwelahan.
