“Days of Mourning” gideklara ni PBBM tungod sa kamatayon ni Pope Francis

Gideklara ni Pang. Ferdinand Marcos Jr. ang pipila ka adlaw nga kasub-anan tungod sa kamatayon ni Pope Francis. Sumala sa Presidential Communications Office (PCO), ang maong mga adlaw sa pagbangutan magsugod sa Abril 23 hangtod Abril 26 nga mao usab ang adlaw sa lubong sa Santo Papa.

Sa maong mga adlaw, ibutang sa half-mast ang bandila sa Pilipinas sa tanang mga pampublikong building ug government installations sa sulod ug gawas sa nasud.

Una nang gikumpirma ni Palace Press Officer Undersecretary Atty. Claire Castro nga motambong ang Presidente uban sa First Lady Liza Marcos sa lubong sa Santo Papa.