DAVAO CITY – Gikanayon ni Mabel Sunga-Acosta, chair sa Mindanao Development Authority (MinDA) nga dili pa mamahimong masugdan ang katukuran sa Samal-Davao bridge kung walay loan agreement tali sa Pilipinas ug China nga hangtud karon pabilin pa gihapon ang negosasyon.
Kahinumduman nga human ang pipila ka higayon nga postponements alang sa pagtukod sa maong proyekto, naglaum ang kasamtangang administrasyon nga mapadayon kini ug mahatagan ug prayoridad sa mosunod nga liderato sa nasod.
Sumala pa kang Acosta nga ang P19.321 billion project ang gi-asikaso luyo pa man sa nasinatian nga COVID-19 pandemic.
Gipasalig sab sa MinDa nga mapadayon ang katukuran sa Davao-Samal bridge ug uban pang big-ticket projects alang sa Mindanao bisan pa man nga matapos na ang unom ka tuig nga termino ni Pangulong Rodrigo Duterte sa Hunyo 30.
Kahinumduman nga kaniadtong Enero 14, 2021, gilagdaan sa Department of Public Works and Highways ug China Road and Bridge Corporation ang design and build contract agreement human nga ang Chinese contractor ang nakadaug sa bidding ug nahatagan ug notice of award sa milabay nga Disyembre 14, 2020.
Apan ang DOF misumite sa milabay nga Abril 26 ug updated loan application diin makitan ang revised financing ratio nga 90% loan ug 10% local fund sa China International Development Cooperation Agency ug Export-Import Bank of China.
Una ng gibutyag sa DPWH, nga ang nahisgutan nga proyekto ang muhatag ug nindot nga transportation link tali sa Metro Davao ug Samal Island ug mapanindot ang internal mobility ug external linkage arun nga suportahan ang paglambo pa sa Davao region.
