Gi-abisohan ang tanang motorista alang sa temporaryo nga pagsirado sa Davao River Bucana Bridge, partikular sa kadalanan nga gikan Tulip paingon sa Roxas Rotonda, sugod Pebrero 14 hangtod 17 tungod sa selebrasyon sa Chinese New Year.
Base sa ordinansa nga gi-aprobahan sa Davao City Council, partial closure ipatuman sa Pebrero 14 hangtod 16 gikan alas 1:00 sa kaadlawon hangtod alas 2:00 sa hapon, diin usa lamang ka lane ang abri aron tugotan ang preparasyon ug rehearsal.
Sa Pebrero 16, ipatuman ang full closure gikan alas 2:00 sa hapon hangtod alas 9:00 sa gabii alang sa main celebration. Human sa selebrasyon, gikan Pebrero 16 hangtod 17, mobalik ang partial closure gikan alas 9:00 sa gabii hangtod alas 12:00 sa kaadlawon, nga usa lamang gihapon ka lane ang abri aron mapadali ang cleanup operations.
Giabisohan usab ang mga motorista sa pagplano sa alternatibong ruta ug pag-amping samtang nagbiyahe duol sa maong mga lugar.
