DAVAO CITY – Magpabilin gihapon sa Alert Level 2 ang tibuok Davao Region sugod ugmang adlawa hangtod Disyembre 15 ning tuiga.
Subay kini sa giaprubahang bag-ong Alert Levels sa Inter-Agency Task Force kagahapon.
Tungod niini, magpabilin sa 50 percent capacity ang tugutan sa mga restaurant, personal care establishments, ug fitness studios.
Susamang allowed capacity usab ang tugutan sa mga venue sa meetings, incentives, conferences ug exhibitions; venues alang sa social events; visitor o tourist attractions, sama sa libraries, museums, galleries, parks ug public gardens; amusement parks ug theme parks; recreational venues, nga gilangkuban sa internet cafes ug amusement arcades; cinemas ug movie houses; in-person religious gatherings ug gatherings alang sa necrological services ug mga haya.
Magpabilin usab nga voluntary ang pagsul-ob og face shield tungod sa Alert Level 2 status sa Rehiyon Onse, apan ginatun-an sa National IATF nga ibalik ang mandatory usage niini tungod sa hulga sa Omicron variant sa COVID-19.
