DAVAO CITY – Padayon ang mga lakang nga ginahimo karon sa lokal nga panggamhanan sa Davao Region human nga gipailawom sa signal #1 ang upat ka probinsya sa rehiyon gumikan sa Bagyong Auring.
Kahinumdoman nga gipailalom sa PAGASA sa signal #1 ang Davao City, Davao del Norte, Davao Oriental ug Davao de Oro.
Padayon gihapon nga nakasinati og maot nga panahon ang ubang bahin sa Mindanao nga gilangkuban Dinagat Islands, Surigao del Norte, Surigao del Sur, Agusan del Sur, Camiguin, kasadpang bahin sa Misamis Oriental ingon man kasadpang bahin sa Bukidnon.
Gawas niini, nagpahimangno ang Provincial Disaster Risk Reduction and Management Office head sa Davao de Oro nga si Joseph Randy Loy sa mga mangingisda ingon man sa mga mag-uuma nga kung aduna na kini mga ipang harvest nga isda ug pananom nga magpahigayon na og sayo nga pag harvest niini aron malikayan nga makatala og dakong damyos.
Samtang sa pikas bahin, Gikumpirma ni Celso Casia, Information Officer sa New Bataan Davao de Oro, gipahikling na ang mga 79 ka pamliya kon 288 ka mga indibidwal nga nagpuyo sa Brgy. Andap, New Bataan, Davao de Oro gumikan sa posibleng epekto sa Bagyong Auring.
