DAVAO CITY – Nakatala kagahapong adlawa og 843 ka mga bag-ong kaso sa COVID-19 ang Department of Health Davao Region. Tungod niini, misaka na ngadto sa 20,874 ang mga aktibong kaso sa rehiyon.
Sa mga bag-ong kaso, 403 ang gikan sa Davao City, 158 sa Davao del Norte, 151 sa Davao del Sur, 65 sa Davao Occidental, 51 sa Davao de Oro, ug 15 sa Davao Oriental.
Mikabat sa 399 usab ang natalang recoveries kagahapon, diin 210 ang gikan sa Davao City, 92 gikan Davao de Oro, 89 gikan Davao Oriental, ug tig-upat sa Davao del Norte ug Davao del Sur.
Aduna usab 22 ka natalang COVID-19 deaths kagahapon, diin 17 ang late-reported samtang lima ang new death cases.
Ang tanang mga natalang kaso kagahapong adlawa, pulos local cases.
Samtang, anaa sa 23.4 percent ang available nga ICU beds, 32.7 percent sa Isolation Beds, 25.6 percent ang available Ward beds, ug anaa sa 56.3 percent ang available nga mechanical ventilators sa tibuok rehiyon.
