DAVAO CITY – Laoman nga adunay ihatud nga kadaut ang nahitabong Magnitude 5.0 nga linog nga nabati sa Davao region pasado ala 1:44 kaganinang sayo sa kabuntagon diin sentro niini ang sidlakan nga bahin sa Kiblawan (Davao Del Sur).
Sumala sa Philippine Volcanology and Seismology (Philvocs) adunay gilawmon nga 18 kilometros ang nahisgutan nga pagtay-og ug tectonic ang origin niini.
Samtang sa reported Intensities anaa sa Intensity III ang Koronadal City; Bansalan ug Magsaysay, Davao del Sur samtang Intensity II sab ang Kidapawan City; General Santos City. Sa instrumental Intensities anaa sa Intensity V ang Malungon, Sarangani; Intensity IV ang Koronadal City; Tupi, South Cotabato; Intensity III ang General Santos City; Alabel, Sarangani ug Intensity II – Kiamba, Sarangani.
Laoman pa gihapon nga adunay masinatian nga mga aftershocks.
