DAVAO CITY- Tugotan na matud pa karon sa Davao Oriental ang pagpasulod sa tanan nga mga pampublikong ug private vehicles ingon man sa mga indibidwal nga gikan sa uban nga areas sugod sa Hunyo 1 ning tuig kasamtangan.
Kini human nga nasabutan ni Governor Nelson Dayanghirang ug mga mayors sa probinsiya kalabot sa polisya ug health measures nga ipatuman dungan sa pag-abli sa provincial borders.
Kahinumduman nga una ng mihangyo si Davao City Mayor Sara Duterte, chair sa Regional Task Force for COVID-19 sa Davao region ngadto sa mga mayors ug governors sa rehiyon nga kunhuran ang travel restrictions ilabi na nga pipila ka mga lugar sa rehiyon ang gipailalom sab sa general community quarantine (GCQ).
Kahinumduman nga unod sa Omnibus Guidelines nga gi-isyu sa Inter-Agency Task Force for the Management of Emerging Infectious Diseases sa National Government, mandato ang pag-abli sa tanan nga mga utlanan sa tanan nga mga GCQ areas.
Gitino ni Dayanghirang nga kinahanglan nila nga motamud sa mandato ilalom sa balaod. Apan gibutyag niini nga kinahanglan nga magpatuman ug hugtanon nga screening protocols aron nga ma-protektahaan ang katawhan sa ilang lalawigan.
Mahinungdanon sumala pa nga planohan ang mga sumbanan ilabi na nga laoman sumala pa ang pagdagsa sa mga tao sa higayon nga ablihan na ang mga utlanan sa Davao region
