DAVAO CITY – Naka-terror alert karon ang tropa sa kagamhanan sa tibuok isla sa Mindanao ug gihingusgan ang information gathering human miulbo ang panagsangka sa kasundalohan, ug kapolisan batok ngadto sa mga bandidong Abu Sayyaf sa Bohol.
Sumala pa kang Major Ezra Balagtey, Information Officer sa Eastern Mindanao Command (Eastmincom) nga mahinongdanon ang intel report aron nga mapugngan ang lihok sa mga nagplano nga mosabwag ug kasamok sa Isla.
Gidason pa ni Balagtey nga gisaligan nila sa intelligence ang mga impoirmasyon gikan sa katilingban.
Kombensido si Balagtey nga pahimuslan sa Abu Sayyaf Group ang kahigayonan nga mangataki sa uban nga mga lugar, hinongdan nga nakaterror alert karon ang tanan nga mga kasundalohan sa Isla sa Mindanao.
