DAVAO CITY – Gibutyag ni Atty. Daniel Campoamor, ang legal counsel sa Northern Davao Electric Cooperative (NORDECO), nga wala pa gihapon nagpagawas og offer o proposal ang Davao Light and Power Company (DLPC) ngadto sa NORDECO alang sa ginadusong expansion franchise area niini sa prangkisa sa electric cooperative.
Saysay pa ni Campoamar, walay nadawat nga offer ang ilahang buhatan mahitungod sa lakang sa Davao Light nga sulbaron ang problema sa supply sa kuryente, power rate ug sa kapin P1.2 billion nga utang sa electric cooperative ngadto sa mga power suppliers niini sukwahi sa giingong pagpaubos sa singil sa kuryente.
Dugang pa ni Campoar nga ang pag-offer sa mga services ngadto sa Kongreso maoy lakang nga gihimo sa DLPC apan wala matud pa giapil ang mga aksyon o rekomendasyon niini sa giingong mga problema sa franchise area sa electric cooperative.
Sa pagkakaron, aduna nay 4 ka House Bills ug mao kini ang 5077; 6740; 7047 nga naga-refile sa HB 10554 o ang bill nga naga-propose sa pagpalapad sa franchise sa Davao Light and Power Company ngadto sa fanchise coverage area sa North Davao Electric Cooperative; ug ang 6955 nga nagaduso sa pagpalapad usab sa franchise area sa Davao Light ngadto sa Island Garden City of Samal (IGACOS) lamang.
Kahinomdoman nga una nang gipanawagan sa mga kritiko nga pulihan na sa Davao Light ang NORDECO gumikan sa walay klaro nga serbisyo niini ngadto sa mga konsyumante.
