DAVAO CITY – Nakiglambigit na sab karon ang lokal nga panggamhanan ngadto sa lain pa nga drug maker gawas sa AstraZeneca Pharmaceuticals Inc.
Gikanayong padayon ang gihimong negosasyon tali sa dakbayan ug Janssen Pharmaceuticals (Johnson & Johnson) alang sa paliton nga Ad26.COV2.S vaccine.
Lauman sumala pa nga moabot ang nahisgutan nga mga bakuna sa ikatulong quarter ning kasamtangan nga tuig.
Gawas niini, makadawat sab sumala pa ang lokal nga kagamhanan og bakuna nga Pfizer nga gikan sa National Government diin ang Initial doses niini ang lauman nga moabot karong bulan sa Pebrero.
Kahinumduman nga prayoridad sa Pfizer vaccine ang Medical frontliners ilabi na kadtong nanarbaho sa Southern Philippines Medical Center.
Sa kasamtangan, nangita pa ang lokal nga kagamhanan og cold chain storage facility sa mga moabot nga bakuna.
Nasayran nga ang Department of Health (DOH)-Davao ug City Health Office wala sumala pay storage area nga adunay temperatura nga gi-require sa Pfizer-BioNTech vaccines.
