Gibutyag sa usa ka Children’s rights group nga ang kakulangon ug child-friendly spaces ang padayon nga suliran karon sa dakbayan ilabi na panahon nga adunay mo-igo nga kalamidad o disaster.
Sumala kang Nagkahiusang Kabataan Aron Katungod Matagamtaman (Nakamata) president Reign Astrid Liporada, kinahanglan sumala pa ang probisyon sa Republic Act 10821, ang balaod nga mohatag ug kasiguruhan sa mga bata, ayha, atol ug human mo-igo ang kalamidad ug uban pang emergency situations.
Apan wala sumala pa kini napatuman ilabi na insidente dihang miulbo ang sunog sa Piapi Boulevard.
Tungod niini gi-awhag niya ang tanan nga mga stakeholders nga mohatag sa mga bata ug accessible evacuation center alang na usab sa kaayuhan sa panglawas sa mga bata.
Gisaway sab ni Liporada ang pipila ka mga Barangay officials nga wala migahin ug pundo alang sa susama nga proyekto. Gi-awhag sab niini ang mga kabataan nga ipadayon ang demand alang sa susama nga proyekto.
Samtang gitataw sab ni Neem Danrelle Cahoy, monitoring, evaluation, ug communications officer sa Tambayan Center for Children’s Rights, nga nag mga tulonghaan ug covered courts dili sumala pa ha-om nga himuon isip evacuation center.
Kinatibuk-ang 34 ka mga partisipante gikan sa barangay 21-C, 22-C, ug 23-C ang misalmot sa workshop.
Dugang ni Cahoy nga magpadayon ang ilang grupo sa pagpahigayon ug daghanang workshop roadshows sa mosunod ang tuig ngadto sa mga barangay dinhi sa siyudad.
