Davao giilang areas of concern sa OCTA Research Group

DAVAO CITY – Ginganlan sa OCTA Research Group ang Dakbayan sa Davao isip usa sa mga areas of concern labot sa pagkaylap sa COVID-19.

Tungod kini sa padayong nagataas nga mga kaso sa maong kagaw sa Dakbayan ug sa kasamtangang hospital bed capacity niini.

Nakatala og 324 average new cases daily gikan June 25 hangtod July 1 sa kasamtangang tuig ang Davao City, diin 43 percent kini nga mas taas kung itandi sa milabayng semana.

Samtang 66 percent sa mga hospital beds ug 89 percent sa intensive care unit (ICU) beds ang kasamtangang ginagamit.

Kahinumduman nga gipailalom ang Davao City sa Modified Enhanced Community Quarantine kon MECQ tungod sa padayon gihapong pagsaka sa kaso sa COVID-19 sa syudad.