DAVAO CITY – Dako ang pasalamat ni Davao City Fire District (DCFD) Chief Fire Supt. Alex Pamaybay human nga wala nay nagpositibo sailang buhatan diin sila ang gitahasan nga muhatod sa positive patients sa Covid-19.
Gibutyag ni Pamaybay, gawas sa ilang trabaho sa pagresponde sa mga sunog, adunay 10 ka mga bombero-nurse, ang nadestino karon sa Southern Philippines Medical Center (SPMC), 10 sa mga swabbing areas ug 20 ka mga personahe ang gitahasan alang sa decontamination sa mga areas nga naigo sa COVID-19.
Kahinumdoman nga pipila sab ang gikatahong nagpositibo sa Covid-19 sa personahe sa DCFD ug usa ang nakasabsan sa kinabuhi.
Hinuon, bisan paman niini, mapasalamaton gihapon ang opsiyal hinungdan nga mapadayon na nila ang ilang katungdanang mag serbisyo sa covid positive patient ingon man sa mga dabawenyos.
